Rafmenn ehf. - Orka að norðan -

Rafmenn hafa nú hafið vinnu fyrir alvöru í Héðinsfjarðargöngum en stefna Vegagerðarinnar er að opna fyrir umferð 30. september n.k. en verkþáttur okkar átti að hefjast fyrir rúmu ári síðan. Ýmsar orsakir hafa valdið því að verkið hefur tafist t.d. var heill árfarvegur inn í göngunum um tíma sem tafði fyrir borun.

Umrætt verk er það stærsta sem Rafmenn hafa tekið sér fyrir hendur en hér á ferðinni eru Rafmenn, helstu sérfræðingar landsins í raflögnum í jarðgöng. Til gamans má geta þess að Jóhann, eigandi Rafmanna, og Balli Ragnars, starfsmaður okkar, lögðu allt rafmagn í Ólafsfjarðargöng á sínum tíma. Balli var svo í Hvalfjarðargöngum, Rafmenn lögðu allt rafmagn í göngin um Almannaskarð og nú eru það Héðinsfjarðargöng sem eru þá fjórðu jarðgöngin sem Rafmenn og starfsmenn okkar koma að.

Til merkis um umfang þessa verks má nefna helstu magntölur:

Strengir	157.110	metrar
Ídráttarrör	70.900	metrar
strengstigi	11.300	metrar
Raðtengi	2.232	stykki
Ljós	980	stykki
Stýriliðar	387	stykki
Neyðarlampar	109	stykki
Stöðuskynjarar	95	stykki
Merkjaljós	67	stykki
Slökkvitæki	48	stykki
Neyðarsímar	23	stykki

Rafmenn hafa nú samið við SS.Byggir um allar raflagnir í nýbyggingu þeirra við Undirhlíð. Um er að ræða 26 glæsilegar íbúðir sem vert er að skoða.  www.ssbyggir.is

Lesa meira

Lesa meira